Яңы ярҙам сараһы Ағиҙел ҡалаһы хәрбиҙәренә күрһәтелә башлай. Йорт төҙөү өсөн ер һатып алыу сығымдарын муниципалитет ҡаплай. Был программала ҡала биләмәһендә теркәлгән һәм былтыр 1 декабрҙән һуң Нефтекама, Ағиҙел һәм Краснокама районы хәрби комиссариаттары менән килешеү төҙөгән хәрбиҙәр ҡатнаша ала. Яугир һәләк булған осраҡта льгота менән уның туғандары файҙалана ала.
Башҡортостанда хәрби хеҙмәткәрҙәргә 40-ҡа яҡын ярҙам сараһы күрһәтелә. Төп льготалар аҡсалата компенсацияларға, бер өлөшө - банк, кредитлау һәм социаль өлкәләргә ҡағыла. Шулай уҡ яугирҙар оборона министрлығы иҫәбенә туплау - ипотека системаһы аша торлаҡ һатып ала, ә уларҙың балалары юғары уҡыу йорттарында бушлай уҡый һәм йәйге лагерҙарҙа ял итә ала. Хәрби хеҙмәткәрҙәргә бөтә урындағы властар, хеҙмәт коллективтары, ойошмалар һәм эшҡыуарҙар ярҙам итә.
