“Уңайлы ҡала мөхите булдырыу” федераль проектына ярашлы ҡала һәм ауылдарҙа 200-ҙән ашыу биләмә тәҡдим ителде. Тауыш биреү һөҙөмтәһе буйынса 120 проект һайлап алына. Был биләмәләр киләһе йылда төҙөкләндерелә. Тауыш биреү халыҡ уңайлығы өсөн Президент һайлауы көндәрендә – 15, 16 һәм 17 мартта һайлау участкаларында ойошторола. Быйыл федераль проект буйынса 123 биләмә тәртипкә килтерелә. Бының өсөн 1,2 миллиард һум тотонола.
