Бөгөн Башҡортостан башлығы Радий Хәбиров Мәскәүҙә Рәсәй милли гвардияһы ғәскәрҙәренең федераль хеҙмәте етәксеһе - армия генералы Виктор Золотов менән осрашты. Унда хеҙмәттәшлек һәм махсус хәрби операция бурыстарын үтәгән Росгвардия подразделениеларына ярҙам итеү мәсьәләләре тикшерелде. Улар иҫәбендә - Салауат Юлаев исемендәге ике башҡорт батальоны.
Осрашыуҙа төбәк башлығы Виктор Золотовҡа 18 УРАЛ «Витязь» бронеавтомобиленә сертификат тапшырҙы. Радий Хәбиров яңы техникалар махсус хәрби операциялағы яугирҙарҙың мобиллеген арттырыр һәм ҡуйылған бурыстарҙы үтәүгә булышлыҡ итер тигән ышаныс белдерҙе. Виктор Золотов ведомствоның матди-техник базаһын нығытыуҙа әүҙем ҡатнашҡаны өсөн Башҡортостан етәкселегенә рәхмәт әйтте. Бынан тыш, ул республика халҡының милли гвардия ғәскәрҙәре подразделениеларының хәрби һәләтен күтәреүгә индергән өлөшөн билдәләне.
