Тырышлыҡ өсөн Берҙәм дәүләт имтихандарына өҫтәмә балл. Баш ҡалала мәктәп уҡыусылары араһында Бөтә Рәсәй олимпиадаһының төбәк этабына йомғаҡ яһалды. Тарих, йәмғиәтте өйрәнеү, донъя художество мәҙәниәте предметтары буйынса еңеүселәр һәм призерҙар Мифтахетдин Аҡмулла исемендәге Башҡорт дәүләт педагогия университетында тәбрикләнде. Олимпиадала быйыл республиканың төрлө район-ҡалаларынан өс йөҙгә яҡын уҡыусы яҡшы һөҙөмтә күрһәткән.
Бөтә Рәсәй олимпиадаһында быйыл 7-се кластан 11-се класҡа тиклем уҡыусылар ҡатнашҡан. Улар араһынан юғары балл йыйыусы сығарылыш уҡыусылары Рәсәй этабына йүнәлә. Олимпиаданың төбәк этабы еңеүселәренә Берҙәм дәүләт имтихандарына өҫтәмә балл ҡаралған. Рәсәй кимәлендәге һынауҙа беренселек яулаусылар ҡабул итеү имтихандарын тапшырмайынса илдең теләгән юғары уҡыу йортона инергә хоҡуғы ала.
