Башҡортостанда 6 йылда юл-транспорт ваҡиғаларында үлгәндәр һаны 30 процентҡа кәмегән. Транспорт һәм юл хужалығы министрлығынан хәбәр итеүҙәренсә, аварияларҙы иҫкәртеү буйынса комплекслы эш алып барыла. Йыл һайын меңгә яҡын саҡрым юл ремонтлана. Трассаларҙа 229 километр оҙонлоҡта яҡтырҡыс һәм 98,5 мең юл билдәһе ҡуйылған. Бынан тыш, хәүефле урындарҙа видеокамералар, светофорҙар һәм юл кәртәләре урынлаштырыла.
