Синоптиктар фаразы буйынса 44 муниципалитетта 300-ҙән ашыу ауыл һәм ҡасабаны һыу баҫыу янай. Хәүефле биләмәләрҙә 86 меңдән ашыу кеше йәшәй. Хөкүмәттә уҙған оператив кәңәшмәлә Республика Башлығы Радий Хәбиров ташҡынға етди әҙерләнеү бурысын ҡуйҙы.
Яҙғы ташҡын ваҡытында халыҡҡа тейешле ярҙам күрһәтеү өсөн 10 меңдән ашыу хеҙмәткәрҙән торған төркөм булдырылған. Әле 9 муниципалитет биләмәһендә ташҡын эҙемтәләрен кәметеүгә бәйле саралар күрелә. Йылғаларҙа тығын хәүефе булған урындарҙа боҙҙо ҡырҡыу һәм ҡарайтыу эштәре алып барыла. Хәйбулла районының Әбеш ауыл биләмәһе башлығы Таһир Юнысов һөйләй.
