Бөрөлә йәш ҡыҙ бюллетендәрҙе эшкәртеү комплексына зеленка түгеп маташҡан

Был ваҡиға ҡаланың 1410-сы һайлау участкаһында теркәлгән. Тәртип боҙоусының 2005-се йылғы булыуы һәм Бөрө ҡалаһында йәшәүе билдәле. Ул үҙе был хәлде кеҫәһендә ҡапҡасы асылған зеленка һауыты булыуы менән аңлатҡан. Бармаҡтағы йәшел буяуҙы комиссия ағзаһы күреп ҡала. Һөҙөмтәлә ҡыҙ ҡулға алына, диверсия осрағы кисектерелә. Бюллетендәр зыян күрмәй.

Ул минең эргәмә бюллетен алырға килде. Паспортын сығарғанда, ҡулына зеленка буялғанын күрҙем. Шунда уҡ бөтәһе лә ишетерлек итеп «Контролгә алығыҙ!» тип ҡысҡырҙым. Ул бер нисек тә ҡаршылашманы. Полиция, оператив төркөм килгәнсе, тыныс ҡына көтөп ултырҙы.

Олег Мухачев, 1410-сы һайлау участкаһы комиссияһы ағзаһы

Һайлау алдынан участка ағзалары инструктаж үтте. Һәр бер тауыш биреүсенең тәртибе күҙәтеүҙә булды. Шуға ла был диверсия осрағын тиҙ генә кисектерә алдыҡ.

Марина Хәсәнова, 1410-сы һайлау участкаһы рәйесе

Башҡа Башҡортостанда бындай диверсия осраҡтары теркәлмәгән. Сәйәси кампания тәртипкә ярашлы бара. Һайлау комиссияһын эшен тотҡарлау өсөн енәйәт яуаплылығы ҡаралған. Был статья буйынса ул 16 йәштән башлана.

Бындай осраҡтарҙы Рәсәй Енәйәт кодексының 141-се статьяһы көйләй. Уға ярашлы, тәртип боҙоусыға кәмендә 80 мең һумдан штраф йәки бер йылға холоҡ төҙәтеү эштәре янай. 360 сәғәтлек мәжбүри эштәр тәғәйенләнеүе лә мөмкин.

Михаил Закомалдин, Башҡортостандың кеше хоҡуҡтары буйынса вәкиле
Башбат
Нет наркотикам
Волна
Акции БСТ