Башҡортостанда йылдам үҫеш биләмәләре резиденттары былтыр яҡынса 3 миллиард һум инвестиция йәлеп иткән. Республика Хөкүмәтендә моноҡалалар етәкселеге менән кәңәшмә үтте. Инвестициялар 2,5 тапҡырға артҡан, яңы ойошмаларҙа 800 кешегә эш урыны барлыҡҡа килгән. Ултырышта резиденттарға һалым ҡануниәтен камиллаштырыу мәсьәләһе өйрәнелде. Әле республикала 5 йылдам үҫеш биләмәһе бар. Бәләбәй, Күмертау, Белорет, Благовещен һәм Нефтекамала эшләгән компанияларға төрлө льготалар ҡаралған.
