“Дауаланам һәм тағы ла алғы һыҙыҡҡа юлланам”. Махсус хәрби операцияла ҡатнашҡан “Чайка” ҡушаматлы яугир шулай тип белдерҙе. Әле ул республика клиник психотерапия үҙәгендә реабилитация үтә.
Яугирҙәр һәм уларҙың яҡындарына реабилитация бушлай үткәрелә. Психотерапия үҙәге белгесе Венера Ғимаҙиева әйтеүенсә, пациенттарға сифатлы медицина ярҙамы күрһәтелә.
Республика психотерапия үҙәгендә дауаланыу өсөн учреждениеға шылтыратырға йәки “Ватанды һаҡлаусылар” дәүләт фонды аша ғариза бирергә кәрәк. Башҡортостанда махсус хәрби операцияла ҡатнашыусыларға 30-ҙан ашыу төр ярҙам сараһы ҡаралған.
