Башҡортостанда рөхсәтһеҙ етештерелгән 2 мең 700-ҙән ашыу ҡап тәмәке сауҙанан алынған. Таможня һәм полиция хеҙмәткәрҙәре рейдтар уҙғарған. Акцияһы булмаған тауар Белоруссия һәм Берләшкән ғәрәп әмирлектәренән индерелгән. Таможнянан хәбәр итеүҙәренсә, 1 апрелдән алкоголь һәм тәмәке стратегик әһәмиәтле тауарҙар исемлегенә инә. Уларҙы рөхсәтһеҙ ситтән индереүселәр Енәйәт кодексының "Контрабанда" статьяһы буйынса хөкөм ителәсәк.
