Радий Хәбиров социаль селтәрҙә яҙыуынса, беҙҙең республика Рәсәйҙә тәүгеләрҙән булып ошондай ҙур баһаға лайыҡ булды. “Һөт кухняһы” хеҙмәткәрҙәре халыҡ-ара стандарт буйынса эшләргә өйрәнде, предприятиела ентекле тикшереү үтте. “Хәләл сертификаты һөт ризыҡтарының юғары сифатлы булыуын дәлилләй”, - тип яҙа Республика Башлығы. Башҡортостанда “Һөт кухняһы”ның 7 цехы эшләй. Улар бөтә төбәкте һөт ризыҡтары менән тәьмин итә. 25 меңдән ашыу кеше уны льготалы шарттарҙа ала.
