Ҡайһы бер райондарҙа торлаҡ йорттар, ихаталар, юл һәм бәләкәй күперҙәр һыу аҫтында ҡалған. Көн йылыныу сәбәпле ҡар тиҙ ирей. Өршәк, Стәрле, Ҡармасан, Үҙән һәм башҡа бәләкәй дала йылғаларында һыу күтәрелә башланы. “20 районда 40-ҡа яҡын хәлде күҙәтәбеҙ”, - тип белдерҙе Ғәҙәттән тыш хәлдәр министрлығының Башҡортостан идаралығы вәкиле Андрей Зайцев.
Ғәҙәттән тыш хәлдәрҙә Берҙәм ҡотҡарыу хеҙмәтенә шылтыратырға кәрәк. Бәйләнеш телефоны: 112.
