Башҡортостан Башлығы 53-сө балалар баҡсаһын ҡараны. Ул быйыл апрелдә файҙаланыуға тапшырылды. Өс ҡатлы бина “Демография” милли проекты буйынса төҙөлдө. Бында 240 бала йөрөй. Башҡорт телен өйрәнеү буйынса айырым төркөмдәр ҙә ойошторолған. Радий Хәбиров әйтеүенсә, тиҙҙән иҫке балалар баҡсаларында капиталь ремонт башлана.
Республика Башлығы яңы физкультура-һауыҡтырыу комплексы менән танышты. Бина дәүләт-шәхси партнерлыҡ шарттары буйынса төҙөлгән. Радий Хәбиров япмалы футбол манежын ҡараны. Комплекста көндөҙ балалар түләүһеҙ шөғөлләнһә, кисен өлкәндәр аҡса түләп йөрөй.
