Козарез ауылы Ағиҙел йылғаһы янындағы боронғо тәбиғи ярымутрауҙа урынлашҡан. Унда берҙән-бер юл аша барып етергә мөмкин. Әммә ташҡын көслө булған йылдарҙа был юлды йыш ҡына һыу баҫа. Әлеге ваҡытта һыу кимәле яҡынса 4 метр ярымға еткән, ә был участканы 6 метр 1сантиметрҙа һыу баҫа башлай.
Юғары үтемле техникалар график буйынса йөрөйәсәк. Ағиҙел йылғаһында һыу кимәле 7 метрға күтәрелеү менән юл ябылып, теплоход ебәрелә. Шулай уҡ Ленин районына ҡараған Нижегородка Һәм Затондың ҡасаба өлөшөн һыу баҫыуы ихтимал. Районда ташҡын вағытында йәшәүҙе тәьмин итеү хеҙмәттәре, янғын һүндереү-ҡотҡарыу подразделениелары көстәре һәм саралары составы йәлеп ителәсәк. 212 берәмек техника әҙерлек һыҙығына ҡуйылған.
