Уҡытыу курстарын асыу Миләүшә Ҡыҙрасованың идеяһы. Рәссам -дизайнер бер нисә йыл элек, туҡымаға һүрәт төшөрөү менән шөғөлләнә башлай. Күлдәккә төшөрөлгән башҡорт биҙәүестәре ҡатын-ҡыҙҙарҙың иғтибарын йәлеп итә, улар һуңғараҡ айлыҡ онлайн-курстарҙың тәүге тыңлаусылары була. Миләүшә Ҡыҙрасова ҡыҙы Нурия менән республиканан егермеләгән ҡатын-ҡыҙға үҙҙәре кеүек милли стилдә кейем биҙәргә ярҙам иткән.
