Республика уҡыусылары Бөтә Рәсәй һөнәри йүнәлеш биреү акцияһында ҡатнаша. Ул йылына ике тапҡыр - апрель һәм октябрь айҙарында ойошторола. Төп маҡсат - уҡыусыларҙы, студенттарҙы предприятиелар менән таныштырыу. Ғаилә, хеҙмәт һәм халыҡты социаль яҡлау министры Ленара Иванова белдереүенсә, балалар тауар етештереү менән таныша, белгестәр менән аралаша, хеҙмәт шарттары менән ҡыҙыҡһына. Был акция Башҡортостанда 2017 йылдан алып уҙғарыла. Унда 150 меңгә яҡын уҡыусы ҡатнашҡан.
