Параходтар 25 апрелде көтә. Тап ошо көндә Ағиҙелдә навигация асыла. Әле суднолар ремонтланып әҙерлек һыҙығына ҡуйылған. Оло һыу барҙа мөмкин тиклем күберәк йөрөп ҡалыр кәрәк, ти капитандар ҙа. Йәй ҡоро килһә, навигацияның иртә тамамланыуы ла ихтимал. Бөгөн йылға иңләүселәр йөҙөү миҙгеле башланыр алдынан йыйылып маҡсаттар билдәләне.
Башҡортостан халҡына яҡшы таныш «Чайка» . Яңыртылған, төҙөкләндерелгән һәм яңы төҫтәргә буялған. Команда ғына былтырғы. Әле улар дизелдәрҙе ремонтлау,майлау эштәре менән шөғөлләнә. Навигация асылыу менән «Чайка» Өфө тирәләй круиздар башҡарырға тулыһынса әҙер.
Ләкин навигацияны ла ваҡытынан алда асыу мөмкин түгел. Причалдар әле һыу аҫтында. Йылҡа үҙ ярҙарына ҡайтыу менән, ә ул 25 апрелдә тип көтөлә, йөҙөү миҙгеле асыласаҡ. Суднолар был осорҙо мөмкин тиклем һөҙөмтәле афйҙаланып ҡалырға иҫәп тота. Юғиһә, һуңыраҡ кәмәнең ҡомға терәлеүе ихтимал.
Һыуҙа параходтар йөрөүен ярҙан ғына күҙәтеү яҡшы. Ә бына судно командаһына талаптар ҡаты. Хатта, ҡоро ерҙә йөрөүсе транспортҡа ҡарағанда ла. Капитандар был ҡағиҙәләрҙе яттан белһә лә йыл да навигация алдынан йыйылып хәүефһеҙлек ҡағиҙәләрен йәнә хәтергә төшөрә.
Навигация асылыу менән Өфө халҡы тотош ил йылғаларын гиҙеүсе пароход һәм теплоходтарҙы күрә аласаҡ. Баш ҡалаға 20 пассажирҙар һәм турист суднолары швартовалар бәйләйәсәк. Улар араһында Виссарион Белинский, Александ Пушкин кеүек дүрт пулубалы теплоходтар ҙа бар.
Айнур Кәбиров
