Заһир Исмәғилев исемендәге Өфө дәүләт сәнғәт институты быйыл актёрҙар өсөн махсус курс аса. Унда 10 бюджет урыны ҡаралған. Был турала бөгөн юғары уҡыу йортонда үткән матбуғат конференцияһында иғлан ителде. Махсус төркөм Мәжит Ғафури исемендәге Башҡорт академия драма театры өсөн әҙерләнә. Документтар июнь аҙағынан ҡабул ителә. Шулай уҡ көндөҙгө һәм ситтән тороп уҡыуҙар ойошторолор тип көтөлә.
