Ул билдәле шәхестең тыуыуына 110 йыл тулыуға арналды. Әхнәф Ибраһим улы башҡорт әҙәбиәте ғилеменә нигеҙ һалған кешеләрҙең береһе. Оҙаҡ йылдар Өфө Тарих, тел һәм әҙәбиәт институтын етәкләй. “Был осорҙа бик күп археология, этнография, фольклор экспедициялары ойошторола”, - тип белдерҙе институттың бөгөнгө директоры Зөһрә Рәхмәтуллина. “Милли тарихҡа, туған телгә ихтирам, илһөйәрлек рухы ошондай шәхестәрҙе ҙурлауҙан башлана”, - тине ул.
