Рәсәй тәфтиш комитеты башлығы Александр Бастрыкин Башҡортостанда хулиганлыҡ буйынса енәйәт эшен тикшереүҙе шәхси контролгә алды. Был хәл 20 апрелдә Иглин ауылында була. "Тойота" машинаһы водителенә юл аша сығып барған йәштәрҙең ҡылығы оҡшамай. Ул ике улы һәм тағы бер ир менән үҫмерҙәрҙе туҡмай. Һөҙөмтәлә, 17 йәшлек бала дауаханаға һалына. Был хәл буйынса енәйәт эше ҡуҙғатылған.
