Бөгөн Өфөлә үлемесле юл һәләкәте теркәлгән. Менделеев менән Урман техникумы урамдары киҫелешендә дүрт автомобиль бәрелешкән. Видеокүҙәтеү ҡоролмаһы кадрҙарынан күренеүенсә, машиналарҙың береһенә идара иткән водитель туҡтап өлгөрмәй алдағыһына бәрелә. Алдағы «Лада-гранта» түңкәрелә. Ҡотҡарыусылар килгәнсе, авария шаһиттары уның эсенән ир менән ҡатынды сығара. «Лада-гранта» рулендәге 64 йәшлек ханым беренсе ярҙам күрһәткән саҡта вафат була. Ир дауаханаға оҙатылған. Авария сәбәптәре асыҡлана.
