Фажиғә бөгөн таңғы биштәр тирәһендә Михайловка ауылында теркәлгән. Асыҡланыуынса, йортта ишле ғаилә йәшәгән булған. Асыҡ ут һүндерелгәндән һуң хеҙмәткәрҙәр 4 йәшлек малайҙың кәүҙәһен таба. 39 йәшлек ғаилә башлығы улын ҡотҡарырға маташа, әммә кәүҙәһе ныҡ бешеп ул дауаханаға оҙатыла. Шулай уҡ 13 йәшлек бала ла зыян күрә - ул ватылған тәҙрә аша сығырға маташа. Янғын һөҙөмтәһендә йорт, гараж, мунса, һарай һәм «Лада Ларгус» автомобиле тулыһынса янып бөтә. Фажиғә сәбәптәре асыҡлана.
