Бер нисә көн дауамында бында күп һанлы оҫталыҡ дәрестәре үткәрелде. Һөнәрселәр күндән әйберҙәр һәм биҙәүестәр эшләргә, туҡыу, кейеҙ баҫыу үҙенсәлектәрен өйрәтә, көмбәҙ сүкеү һәм бетеү эшләү серҙәренә төшөндөрә.
Башҡортостан космолеты иһә ысын мәғәнәһендә музейға әүерелде, бында тамашасылар башҡорт милли кейемдәре һәм музыка ҡоралдары менән танышты, ҡурай, думбыра. ҡумыҙ моңон тыңланы. Халыҡ ижады аҙналығы сиктәрендә фото зонаһы ла асылды. Унда ҡунаҡтар Башҡортостандың сигелгән картаһы, ҡул эштәре менән фотоға төштө.. Мәҫәлән, был сағыу келәмде сигеүҙә 500-гә яҡын оҫта ҡатнашҡан. Тиҙҙән үҙенсәлекле ижад емеше Өфөгә килтерелә.
