Бөгөн иртән Өфөнөң Калинин, Ленин һәм Октябрь райондарында ағастар һәм ботаҡтар ҡолауы теркәлгән. Һөҙөмтәлә биш транспорт сараһы механик зыян күргән. Шуларҙың береһе «Вольво» автомобиле. Иномарка хужаһы ғәҙәттәгесә машинаһын өйө алдына ҡалдырған булған. Ваҡиға иртәнге сәғәттәрҙә теркәлә. Водитель шунда уҡ был турала 112 системаһына хәбәр итә. Һуңынан полиция хеҙмәткәрҙәре ғариза яҙырға ҡуша.
Иртәнге дауыл шулай уҡ Орджоникидзе районына ҡараған Иҫке Турбаслы ауылы мәктәбенең спорт залы ҡыйығын да алып ташлаған Бәхеткә күрә, кешеләр араһында зыян күреүселәр теркәлмәгән. Бындай һауа торошо кәм тигәндә кискә тиклем һаҡланыр тип күҙаллана, шуға лә белгестәр халыҡты хәүефһеҙлек сараларын теүәл үтәргә саҡыра.
