Шаран районынан махсус хәрби операция биләмәһендәге яугирҙарға тәғәйенләнгән 20-се гуманитар ярҙам оҙатылды. Район халҡы тырышлығы менән яугирҙарға иң мөһим кәрәк-яраҡтар: маскировка селтәрҙәре һәм костюмдар, төҙөлөш материалдары, эш ҡоралдары йыйылған. Бынан тыш, десантсылар берләшмәһе вәкилдәре Илья Мишин менән Фидрат Төхвәтшин һалдаттарға «УАЗ» автомобиле бүләк итте. Владислав Аҡтимеров менән Рәмил Мортазин 32 кубометр таҡта бүлде, ә шәхси эшҡыуар Илфаҡ Байбәков тәгәрмәстәр комплектын тапшырҙы.
