9 май алдынан байрам кәйефе бүләк итеп. Һуғыш ветерандары Республика клиник госпиталендә дауаланған махсус хәрби операцияла ҡатнашыусыларҙы ҡотланылар. Хәрбиҙәргә бүләк итеп үткән Пасха байрамы уңайынан кулич һәм башҡа тәмлекәстәр тапшырылды.
Акцияны Башҡортостандың Сауҙа һәм хеҙмәттәр министрлығы Кулинарҙар ассоциацияһы менән берлектә ойоштороған. Әле госпиталдә махсус хәрби операцияла хеҙмәт иткән 5 яугир дауалана. Уларҙың барыһы ла хәрби бәрелешкә үҙ теләге менән ҡушылған. Сарала ҡатнашҡан «Еңеү ирекмәндәре» лә һалдаттарҙы етеп килгән байрам менән ҡотлап, тиҙерәк һауығып сығыуҙарын теләне.
