Һуңғы иҫәп алыу һөҙөмтәләре буйынса Башҡортостанда 472 мең ғаилә бар. Ишле ғаиләләр 59 меңдән ашыу. Уларҙың һаны буйынса республика Волга буйы федераль округында беренсе, илдә етенсе урында. Республикалағы иң күп балалы район – Бөрйән. Унда һәр өсөнсө ғаиләлә өс һәм унан күберәк бала тәрбиәләнә. Балтас районы үҙәгендә йәшәгән Венер һәм Альбина Хәйҙәршиндар 13 балаға ғүмер бүләк иткән. Хәбәрсебеҙ Зөһрә Арсаева яҙмаһы.
