Башҡортостан ирҙәр һәм ҡатын-ҡыҙҙар йыйылма командалары Волга буйында үткән мини-лапта буйынса Рәсәй чемпионатынан еңеү менән ҡайтты. Әлеге осорҙа ҡатын-ҡыҙҙар командаһында быуындар алмашына. Командала Рәсәй чемпионатында еңеү яулаған ҡыҙҙарҙан тыш, яңылары бар. Ҡатын-ҡыҙҙарыбыҙҙың уңыштары тураһында киләһе яҙмала.
Ике командала бишәр кеше мини-лапта уйнай: береһе яланда тора һәм һаҡлана, икенсеһе ситтән һөжүм итә. Һөжүм итеүсе команда уйынсыларының бурысы - тупҡа һуғылғандан һуң майҙан буйлап йүгерергә тырышыу, ә һаҡланған команданыҡы тупты тотоп алып, һөжүм итеүсе уйынсыларға һуғыу. Мини-лапта Мифтахетдин Аҡмулла исемендәге Башҡорт дәүләт педагогия университетының спорт залынан башлана, шуға күрә лә спортсыларҙың илдә иң яҡшыларҙан булыуы ғәжәп түгел.
Оксана Патрикеева - республика йыйылма командаһы составында иң тәжрибәлеләрҙең береһе. Лапта менән мәктәп йылдарынан уҡ шөғөлләнә башлай. БДПУ-ға уҡырға ингәс, ҡыҙ был спорт төрөн профессиональ кимәлдә үҙләштерә, йыйылма командала бишенсе йыл.
Ҡатын-ҡыҙҙар йыйылма командаһы төркөм этабында Санкт-Петербург, Марий Эл Республикаһы һәм Воронеж командаларын еңә. Ярымфиналда Свердловск өлкәһе йыйылма командаһынан 0:2 иҫәбе менән отола. Өсөнсө урын өсөн матчта Ульяновск өлкәһенән 5:3 иҫәбе менән көслөрәк була.
90 проценты Башҡорт дәүләт педагогия университеты студенттарынан торған республика ҡатын-ҡыҙҙар йыйылма командаһы ярыштарҙың бронза призеры булды. Башҡортостандың ир-егеттәр командаһы көмөш миҙал яуланы.
Гүзәл Борханова
