Театр тарихында тәүгә төнгө сеанс! Бөгөн Мәжит Ғафури исемендәге Башҡорт дәүләт академия драма театры тамашасылар һәм «Туғанлыҡ» халыҡ-ара милли театрҙар фестивале ҡунаҡтарын төнгө сәғәт 10-да спектакль ҡарарға саҡыра.
Театр һөйөүселәргә Таңсулпан Ғарипованың «Бөйрәкәй» романы буйынса режиссер Айрат Абушахманов ҡуйған «Бөйрәкәй» спектакле тәҡдим ителә. Ойоштороусылар фекенренсә, төнгө атмосфера тамашасыларға сәхнәлә ҡуйылған тарихҡа тулыһынса инеп китеү мөмкинлеге бирәсәк. Роман-пенталогияла 20-се быуаттың һынылышлы ваҡиғалары бер ауыл тарихында күрһәтелә.
