Мәскәү өлкәһенең штаттан тыш баш белгесе Башҡортостан урологтарына Рәсәйҙә етештерелгән лазер ҡорамалында эшләү буйынса оҫталыҡ дәресе үткәрҙе. Башҡорт дәүләт медицина университеты клиникаһында һыналған аппарат мөмкинлектәре менән студенттар ҙа танышты. Әлегә ул республика һаулыҡ һаҡлау учреждениеларында берҙән-бер һанала.
Башҡорт дәүләт медицина университеты клиникаһының урология бүлегендә йылына 2 меңләп операция үтә. Рәсәй төбәктәренән тыш, сит илдәрҙән дә күпләп пациенттар мөрәжәғәт итә. Шуға ла бындай ҡорамалдарҙы индереү операциялар һанын арттырыу менән бергә, күберәк кешегә һаулыҡ өләшеү мөмкинлеген бирә. Сөнки, әлеге лазер аппарат әмәлиәт ваҡытын бер сәғәткә тиклем кәметә.
