Хеҙмәттәшлек аныҡ эш һәм проекттар кимәленә сыға. Радий Хәбиров Үзбәкстан Премьер-министры Абдулла Арипов менән осрашыуҙа ике республика араһындағы эшлекле бәйләнештәрҙе юғары баһаланы. Башҡортостан башлығы сит илдә рәсми делегацияны етәкләй.
Көн тәртибенә ике яҡлы эшлекле мөнәсәбәттәрҙе яңы кимәлгә күтәреү , иҡтисад һәм социаль өлкәлә берҙәм проекттар булдырыу мәсьәләләре сығарылды. Абдулла Арипов Рәсәй , шул иҫәптән Башҡортостан менән хеҙмәттәшлек стратегик әһәмиәткә эйә булыуын билдәләне.
Радий Хәбиров әйтеүенсә, ике йыл тығыҙ хеҙмәттәшлек осоронда бер-береңдең мөмкинлектәрен барлау этабы үтте. Хәҙер яҡтар аныҡ эштәргә һәм реаль проекттарға күсә. Иҡтисади хеҙмәттәшлек күперен нығытыу өсөн мөмкинлектәр күп, тине Башҡортостан башлығы.
