Радий Хәбиров Үзбәкстанға сәфәре барышында шул турала белдерҙе. Республика Башлығы Ташкентта технопарк эшмәкәрлеге менән танышты. Бында сәнәғәт елләткестәре һәм һыуытҡыстары, лифт һәм эскалаторҙар, кер йыуыу машиналары, йорт йыһаздары һәм башҡа көнкүреш әйберҙәре сығарыла. Радий Хәбиров әйтеүенсә, киләсәктә Башҡортостанда ла ошондай майҙансыҡ булдырыу мөмкинлеге өйрәнелә.
Ташкентта Рәсәй һәм Үзбәкстан төбәктәре советы ултырышы үтте. уның барышында Башҡортостан һәм Ташкент, Фирғәнә өлкәләре араһында килешеүҙәргә ҡул ҡуйылды. Радий Хәбиров дуҫ илгә сәфәре барышында Үзбәкстан Премьер-министры Абдулла Арипов менән осрашты.
