Бөгөн Дәүләт Йыйылышы-Ҡоролтай депутаттары пленар ултырышта тейешле ҡарар ҡабул итте. Гражданлыҡ йәмғиәте институттарын үҫтереү, мәғлүмәт сәйәсәте һәм дин эштәре буйынса комитет рәйесе Рөстәм Ишмөхәмәтов һөйләй.
“Башҡортостан башлығын һайлау мөһим ижтимағи-сәйәси ваҡиға. Республиканың тотороҡло үҫеше һайлауҙың һөҙөмтәһенә бәйле. 8 сентябрҙә беҙ киләсәк өсөн тауыш бирәбеҙ”, - тип белдерҙе Дәүләт Йыйылышы-Ҡоролтай рәйесе Константин Толкачев.
Башҡортостан Конституцияһына ярашлы, 30 йәше тулған һәм даими Башҡортостанда йәшәгән кеше республика етәксеһе вазифаһына һайлана ала. Кандидат башҡа ил гражданы булмаҫҡа тейеш.
