Объектты 2025 йылдың йәйенә файҙаланыуға тапшырыу күҙаллана. Мәктәпкәсә учреждениеның дөйөм майҙаны 4 мең квадрат метр. Ике ҡатлы бинала уҡыу, йоҡо бүлмәләре, медицина, психолог һәм музыка кабинеттары, спорт залы, ашхана блогы буласаҡ.
Балалар баҡсаһы проекты республиканың Төҙөлөш һәм архитектура министрлығы тарафынан иң ҡулайлыһы тип табылған һәм киләсәктә ошондай уҡ объекттарҙы төҙөгән саҡта «Башҡортостан сәскәләре» проекты ҡулланыласаҡ. 180 урынға иҫәпләнгән мәктәпкәсә белем биреү учреждениеһы барлыҡ заман талаптарына яуап бирәсәк, тип вәғәҙәләй төҙөүселәр.
