"Роснефт"кә ҡараған “Башнефть” компанияһының “Өфөоргсинтез” нефть химияһы предприятиеһы үҙе етештергән стандарт каучук өлгөләрен ҡулланыуға күсте. Элек был продукция сит ил компанияларынан алына ине. Әлеге ваҡытта "Өфөоргсинтез" Рәсәйҙә төҙөлөштә һәм автомобиль сәнәғәтендә ҡулланылған скэпт каучуктарҙы етештереүсе берҙән-бер предприятие булып тора, стандарт каучук өлгөләренең юғары сифаты һәм һөҙөмтәлелеге Дмитрий Менделеев исемендәге бөтә Рәсәй метрология ғилми-тикшеренеү институты тарафынан раҫланған. Предприятиела илдең нефть химияһы тармағы өсөн башҡа стандарт өлгөләр һәм калибрлау ҡатнашмалары ла әүҙем эшләнә.
Технологик потенциалды үҫтереү «Роснефть 2030» корпоратив стратегияһының төп элементтарының береһе. Компания инновацион эшмәкәрлеккә өҫтөнлөк бирә, технологик лидерлыҡты нефть баҙарында конкурентлыҡ һәләтенең төп факторы тип билдәләй.
