Тышҡы иҡтисади бәйләнештәр һәм конгресс эшмәкәрлеге министрлығынан белдереүҙәренсә, Һиндостан партнер илдәр исемлегендә 12-се урында килә. Беҙҙең республиканан сит илгә химия сәнәғәте тауарҙары, каучук, машиналар төҙөү ҡорамалдары оҙатыла. Киләсәктә нефть, ауыл хужалығы, фармацевтика, мәғлүмәт технологиялары өлкәләрендә хеҙмәттәшлекте нығытыу ҡарала.




