Улар бушлай йәмәғәт транспортында йөрөй ала, музей һәм күргәҙмәләрҙә булыу мөмкинлеге бар. Парламенттың пленар ултырышында ҡануниәткә төҙәтмәләр ҡаралды. Спикер Константин Толкачев белдереүенсә, 3 һәм унан күберәк бала тәрбиәләүселәр күп балалы ғаилә тип һанала. Уҡыу булған көндәрҙә йәмәғәт транспортында ике тапҡыр бушлай йөрөп була. Бындай ташлама 1 сентябрҙән көсөнә инә. Шулай уҡ бушлай ашатыу, бушлай дарыуҙар менән тәьмин итеү, балалар баҡсаһына ҡабул иткән өҫтөнлөк биреү, мәктәп формаһы өсөн компенсация түләү һәм башҡа льготалар ҡаралған.
