Башҡортостандың Ғәҙәттән тыш хәлдәр буйынса дәүләт комитеты ҡарамағындағы йәштәр советының тәүге ултырышы үтте. Унда йәмәғәт ойошмаһының составы раҫланды. Советҡа «БаРс» ирекле эҙләү-ҡотҡарыу отряды етәксеһе Олеся Пышкова рәйеслек итәсәк. Ағзалар итеп тә дәүләт комитеты эшмәкәрлеге йүнәлешендә уҡыусылар һайлап алынған. Ведомство етәкселеге йәштәр ойошмаһына хәүефһеҙлекте тәьмин итеү йәһәтенән ҙур өмөттәр бағлай.
