Бөгөн Петербург халыҡ-ара иҡтисад форумында 2023 йыл һөҙөмтәләре менән таныштырҙылар. Төбәктәрҙәге инвестиция мөхитен баһалағанда 70-кә яҡын күрһәткес иҫәпкә алына. Башҡортостанда һәр береһе буйынса ентекле эш башҡарыла, тигән эксперттар. “Беҙҙең республика йылдан-йыл юғарыраҡ һөҙөмтә күрһәтә. Башҡортостан етәкселеге инвестициялар йәлеп итеү өсөн әүҙем эшмәкәрлек алып бара”, - ти иҡтисад фәндәре кандидаты Розалиә Шәрәфуллина.
Республикала 2018 йылдан башлап 150-нән ашыу “Инвстиция сәғәте” ултырышы үткән. Унда 1 триллион һумға баһаланған 626 проект ҡаралған.
