Гала-концертта беҙҙең республика һәм башҡа төбәктәрҙән 500-ҙән ашыу бала ҡатнашты. Ғафури, Әбйәлил, Баймаҡ, Бөрйән райондары вәкилдәре айырыуса әүҙем булды. Еңеүселәр яңғыҙ башҡарыусылар, дуэттар, ансамблдәр һәм башҡа номинацияларҙа бүләкләнде. Бүздәк районынан Ислам Ғилфанов өсөнсө дәрәжә лауреат дипломына лайыҡ булды. Етәксеһе, атаһы Илсур Ғилфанов әйтеүенсә, улы башҡорт бейеүҙәрен ярата һәм үҙ аллы өйрәнеп әҙерләнгән.
“Байыҡ” балалар республика телевизион конкурсы 2009 йылдан уҙғарылып килә. Төрлө йылдарҙа Рәсәйҙән генә түгел, сит илдәрҙән дә 7 меңдән ашыу йәш бейеүсе ҡатнашҡан.
