Ул бөйөк башҡорт улы Салауат Юлаевтың 270 йыллығы арналған. Шулай уҡ уның тыуған яғында «Салауат ере» тарихи-мемориаль паркын асыу тантанаһы көтөлә.
Күләмле саралар төбәктең ижтимағи һәм мәҙәни тормошондағы сағыу ваҡиға булырға вәғәҙәләй. Ә бөгөн Малаяҙ район мәҙәниәт йортонда батырҙар һәм ҡыҙҙар араһында финал тур конкурсы башланды. Еңеүселәр иртәгә «Салауат йыйыны» үҙәк майҙанында билдәләнә. Шунда уҡ республика фольклор байрамы сиктәрендә тағы ла ике конкурстың финалы - иң яҡшы тирмә һәм сувенир продукцияһын етештереүсеһе билдәләнәсәк.
