Бөгөн республикала "Урман" операцияһы башлана. Уның барышында урман ҡануниәте үтәлеше тикшерелә, рөхсәтһеҙ ағас ҡырҡыусылар асыҡлана. Профилактик сарала Эске Эштәр, Урман хужалығы, Тәбиғәттән файҙаланыу һәм экология министрлыҡтары хеҙмәткәрҙәре, йәмәғәт ойошмалары ҡатнаша. Рөхсәтһеҙ ағас ҡырҡҡан өсөн штраф ҡаралған, ҙур зыян килтереүселәрҙең иркен сикләүҙәре лә мөмкин. Операция ай аҙағына тиклем дауам итә.
