Брест ҡалаһының Хәтер аллеяһында Белоруссия ерен фашист илбаҫарҙарынан һаҡлаған һәм азат иткән яҡташтарыбыҙға мемориаль таҡтаташ асылды. Унда республикабыҙ вәкилдәре ҡатнашты. Иҫтәлекле көн уңайынан Башҡортостан башлығы Радий Хәбиров сәләмләү хаты ебәргән. «Брестты һаҡлаусыларҙың батырлығы быуаттар буйына йәшәйәсәк. Еңеүсе халыҡҡа мәңгелек дан!»- тип яҙған төбәк етәксеһе. Хәтер аллеяһы Бөйөк Ватан һуғышы йылдарында Белоруссия биләмәһендә һәләк булған ватандаштарыбыҙҙың батырлығын мәңгеләштереү маҡсатында былтыр асылғайны.
