Башҡортостан Башлығы Радий Хәбиров Үҙәк хәрби округы командующийы Дмитрий Глушенковҡа “Патриот” паркын күрһәтте. Радий Хәбиров һәм генерал-лейтенант Дмитрий Глушенков “Авангард” уҡытыу-методик үҙәге казармаһын ҡараны. Бында мәктәп уҡыусылары 5 көн дауамында башланғыс хәрби әҙерлек үтә. Башҡортостан Башлығы һәм Үҙәк хәрби округы командующийы биләмәлә федераль программа буйынса төҙөлгән торлаҡ биналарын ҡараны. Йорттар төҙөлөп бөткәс паркта 10 меңдән ашыу курсант әҙерлек үтә аласаҡ.
