Башҡортостан Башлығы социаль селтәрҙә яҙыуынса, быйыл ике тапҡырға күберәк яҙма тест – 147 эш иң юғары баһаға лайыҡ булған. 11 сығарылыш уҡыусыһы ике фән буйынса 100-әр балл йыйған. Радий Хәбиров юғары һөҙөмтә күрһәткән балаларҙы ҡотлап уңыштар теләй. Республикала мәғариф ойошмаларын яңыртыу дауам итә. Президент программаһы буйынса 31 мәктәптә капиталь ремонт үтә. Быйыл “Мәғариф” милли проекты буйынса 9 мең урынға иҫәпләнгән яңы 8 мәктәп файҙаланыуға тапшырыла.
