Михаил Мишустин сәнәғәт өлкәһендәге яңы милли проекттар тураһында хәбәр итте. Видеоэлемтә режимында ойошторолған Рәсәй Хөкүмәтенең стратегик сессияһында Башҡортостан башлығы ҡатнашты.
Беренсе проект яңы атом һәм энергетика технологиялары. Ил хөкүмәте рәйесе билдәләүенсә, был проект сиктәрендә атом өлкәһен, электр энергияһы туплау системаларын етештереүҙе үҫтереү мөһим. Шул иҫәптән, ҡояш һәм ел генерацияһы, шыйыҡландырылған тәбиғи газ өлкәһендә өҫтөнлөклө проекттар.
Киләһе милли проект «Яңы материалдар һәм химия». Был өлкә Рәсәй иҡтисадының тотороҡлолоғон тәьмин итә. Яңы химик продукция етештереү һәм һирәк металдарҙы геологик разведкалау буйынса проекттар дәүләт ярҙамына иҫәп тота ала. Михаил Мишустин киләсәктә химия тармағының уңышлы эшләүе өсөн белгестәр әҙерләү кәрәклеген дә билдәләне.
