Ваҡиға Артём урамындағы 9 ҡатлы торлаҡ йорттоң икенсе ҡатында булған. Ҡала хакимиәтенән хәбәр итеүҙәренсә, бер ҡатындың ғүмере өҙөлгән, 7 кеше, шул иҫәптә 2 бала йәрәхәтләнгән. Урында оператив штаб ойошторолған. Уны Стәрлетамаҡ ҡала хакимиәте башлығы Рөстәм Ғәзизов етәкләй. Авария-ҡотҡарыу хеҙмәттәре эшләй, фажиғә сәбәптәре асыҡлана. Ғәҙәттән тыш хәлдәр министрлығының Башҡортостан идаралығы матбуғат хеҙмәткәре Ленария Ямалетдинова һөйләй.
