Башҡортостанда хәрби контракт төҙөүселәргә бер тапҡыр бирелә торған түләүҙәр 1 миллион һумға етте. Аҡса Башҡортостан Башлығы Радий Хәбировтың ҡушыуы буйынса арттырылды. Әлегә тиклем яугирҙәргә 205 мең һум түләнһә, 10 июлдән ул 505 мең һумға күтәрелә. Оборона министрлығы, хакимиәттәр биргән аҡса менән түләүҙәрҙең суммаһы 1 миллион һум була. Был ошо йылдың 10 июленән контракт төҙөгән хәрбиҙәргә ҡағыла. Башҡортостан етәксеһе махсус хәрби операцияла ҡатнашыусылар һәм уларҙың ғаиләләренә ярҙам итеүҙе шәхси контролендә тота.
