Үткән тәүлектә республикала 14 юл-транспорт ваҡиғаһы теркәлгән. 16 юлсы зыян күргән, бер кешенең ғүмере ҡыйылған. Республикала “Хәүефһеҙ йәй" акцияһы дауам итә. Дәүләт автоинспекцияһы хеҙмәткәрҙәре балалар ҡатнашлығындағы юл ҡазаларын иҫкәртеү маҡсатында саралар ойоштора. Республикала йәшәүселәр иҫерек водителдәр тураһында автоинспекторҙарға хәбәр итә ала. Мөрәжәғәттәрҙе тәүлек әйләнәһе телефон аша еткерергә була. Шулай уҡ автоинспекцияның Телеграм-каналына ебәрергә мөмкин. Быйыл 4 айҙа республикала эскән водителдәр арҡаһында 12 кешенең ғүмере өҙөлгән. 100-гә яҡын кеше йәрәхәтләнгән.
Автомобилдә аптечка булырға тейешме? Унда ниндәй медицина препараттары һәм әйберҙәр йөрөтөргә? Автоэксперт Хәлим Әйүпов яуап бирә.
