Ул уҡыу йортоноң төп корпусы ҡаршыһындағы элекке ашхана бинаһында урынлашҡан. Үҙәк эшмәкәрлеге менән бөгөн Башҡортостан башлығы Радий Хәбиров танышты. Евразия һанлы технологиялар үҙәгендә айти технологиялар, анимация һәм 3d-уйындар өлкәһендәге иң алдынғы йәш белгестәр йыйылған. Был үҙәк республика технологик кластерының бер өлөшө. Уның маҡсаты - мәғлүмәт технологияларынан алып ижади индустрияларға тиклем төрлө йүнәлештәрҙе берләштереү. Был ҡатмарлы дисциплина - ара проекттар, атап үткәндә видеоуйындар, белем биреү һәм техник симуляторҙар булдырырға, киберспортты үҫтерергә мөмкинлек бирәсәк. Ә иң мөһиме-һәләтле йәштәребеҙ өсөн дөрөҫ мөхит булдырырға ярҙам итәсәк, тине Башҡортостан башлығы.
Евразия һанлы технологиялар үҙәге урынлашҡан бина «Өҫтөнлөк 2030» программаһының «Йәштәр киңлеген булдырыу» проекты сиктәрендә реконструкцияланған. Дизайн-проект университет хеҙмәткәрҙәре көсө менән эшләнгән һәм студенттар кампусы менән бер концепцияла төҙөлгән. Бында йәш белгестәрҙән һәм студенттарҙан тыш, уҡыу йорто ғалимдары һәм креатив индустрия өлкәһе вәкилдәре эшләй. Аныҡлап әйткәндә, «Муха» анимация студияһы, АйВиСистемз, Зорге Лаб компаниялары яңы үҙәктә эшләйәсәк.
